幼稚園K1面試 Summary

幼稚園　　　　　　　面試時間　　 面試表現　　面試結果　　　Remarks
聖三一曾肇添幼稚園　30/10 10:30 　一般　　　　下午班　　　感覺排隊決定取錄的先後
靈糧堂幼稚園　　　　06/11 10:15 　不錯　　　　下午班　　　1300 : 110 很大嘅競爭
禮賢會幼稚園　　　　13/11 14:00 　一般　　　　上午班　　　屋企樓下幼稚園預咗一定收
創價幼稚園　　　　　20/11 10:30 　非常好　　　上午班　　　3700 : 240 很大嘅競爭
聖三一中心幼稚園　　27/11 15:00 　唔集中　　　不取錄　　　表現非常差，預料之內
民生幼稚園　　　　　04/12 17:30 　唔理人　　　不取錄　　　表現非常差，預料之內 　　　

所有面試已經結束，爸爸媽媽亦決定選擇入讀創價幼稚園 (our 1st choice)!! Happy!!!
總括今次的經驗，芯渝上午的表現非常好，下午的面試表現完全係唔合格～

interview (6)

今日去民生幼稚園面試！
下午5點半，小朋友午睡過，好夠精神～
今次係眾多幼稚園面試安排最差的一間！
一位男老師＋一位男外藉老師～
面試時任由小朋友玩耍，位男老師又唔多問問題！根本帶唔出氣氛～
那位外藉跟老師逗芯渝傾計，小朋友竟然怕醜，無答過一句，爸爸反而傾了一陣～
似乎都係凶多吉少．．．

面試結果：不取錄 (18/12 updated)

Interview (5)

今日去聖三一中心幼稚園面試！
因為下午3點，正值小朋友午睡時間，唔多夠精神～
面試時玩拼圖十分還可以，老師問問題時表現一般！
跟老師玩其他玩具時開始唔多集中，十分唔聽話～
似乎凶多吉少．．．
在回家的車上已呼呼大睡了～

面試結果：不取錄 (04/12 updated)

Interview (4)

今日去創價幼稚園面試，很大的幼稚園！還遇見兩位同學仔～
面試時玩拼圖十分專心，老師問問題時表現OK！
爸爸媽媽對老師的提問表現都不錯！
校長話有三千七百人報名! 收120(上)+120(下)，好大競爭...!?

面試結果：Excellent 上午班 (07/12 updated, , 留住個位先~ our 1st Choice～)

Interview (3)

今日去附近禮賢會幼稚園面試，表現一般！可能剛病癒，唔多聽話！
玩玩具時十分唔專心，好在爸爸有辦法～
面試時，老師問乜o野答乜o野，全部答o岩晒，無乜大問題～

面試結果：上午班 (13/11 updated, 留住個位先～)

Interview (2)

今日去靈糧堂幼稚園面試，表現唔錯!!
玩玩具時就唔多專心，東玩玩西玩玩!! 好在無蝦其他小朋友～
面試時，老師問乜o野就答乜o野，全部答o岩晒～
整個面試o左差不多1.5小時～
最後校長話今年有1300多小朋友報名，學位=上午42+下午42+全日30!!
競爭實在好激烈啊!?

面試結果：下午班 (04/12 updated, 留住個位先～)

Interview (1)

今日10:00去聖三一曾肇添幼稚園面試～
面試以遊戲型式進行，只可一位家長陪同(梗係爸爸啦～)，表現一般般啦!!
老師問小朋友的名字，芯渝答得唔錯～
老師再問爸爸的名字，芯渝勁竟然答爸爸咪爸爸o羅!!(激死>.<)

面試結果：下午班 (06/11 updated, 不過最後都無交留位費! 哈哈!!)